Azərbaycan Respublikası İqtisadiyyat Nazirliyi Qazaxıstan Respublikasının Astana və Almatı şəhərlərinə ixrac missiyasını təşkil etdiyini elan edir. İxracatçılar ixrac missiyasında iştirak etmək üçün İqtisadiyyat Nazirliyinə müraciət edə bilərlər.
İxrac missiyalarının tarixləri: Qazaxıstan Respublikasının Astana və Almatı şəhərləri: 23-26 aprel 2017-ci il.
İxrac missiyasının əhatə etdiyi sektorlar:
Tikinti və abadlıq materiallarının istehsalı
Kimya sənayesi
Maşınqayırma
Ətir və Kosmetika istehsalı
Meyvə-tərəvəz məhsulları
Spirtli və spirtsiz içkilər
Konservləşdirilmiş qida məhsulları
Çay məhsulları
Yüngül sənaye
İxrac missiyasında iştirak edəcək ixracatçılar müsabiqə əsasında seçiləcəklər.
Müsabiqənin təşkilatçısı: İqtisadiyyat Nazirliyi - Azərbaycanda İxracın və İnvestisiyaların Təşviqi Fondu (AZPROMO).
Müsabiqə Azərbaycan Respublikası İqtisadiyyat Nazirliyi Kollegiyasının 2016-cı il 18 oktyabr tarixli 19 nömrəli qərarı ilə təsdiq edilmiş “Dəstək tədbirlərində iştirak edəcək ixracatçıların seçilməsi üçün müsabiqənin təşkili və keçirilmə Qaydası” əsasında 28 mart 2017-ci il tarixində AZPROMO-da təşkil olunacaq. İqtisadiyyat Nazirliyi Kollegiyasının 2016-cı il 18 oktyabr tarixli 19 nömrəli qərarını buradan yükləyə bilərsiniz.
Seçim meyarları:
ixracatçının məhsulları üzrə istehsal potensialı – 10 (on) bal;
məhsulun hədəf ölkəyə ixrac potensialı – 10 (on) bal;
sahibkarın əvvəllər ixrac təcrübəsinin olub-olmaması (2015-ci və 2016-cı illərdə ixrac olunan məhsulların miqdarı göstərilməklə – 5 (beş) bal);
Meyarların cəmi üzrə minimum keçid balı - 20 (iyirmi) bal.
İxrac missiyalarında iştirak etmək üçün AZPROMO-ya aşağıdakı sənədlər təqdim edilməlidir:
ərizə;
sahibkarın istehsal və ixrac potensialı, əvvəllər ixrac təcrübəsinin olmasına dair sənədlər və ya məlumatlar;
Sənədlər aşağıdakı ünvan üzrə 17 mart 2017-ci il tarixinədək təqdim olunmalıdır: Azərbaycanda İxracın və İnvestisiyaların Təşviqi Fondu (AZPROMO), Bakı Biznes Mərkəzi, Neftçilər pr. 32, Bakı, AZ1000.
Əlavə məlumat əldə etmək üçün qeyd olunan elektron poçt ünvanına (destek@azpromo.az) və AZPROMO-da əlaqələndirici şəxs Fuad Cəfərova (telş: +99412 5980147/48 (daxili 141) müraciət edə bilərsiniz.
